Дзень з БелГПП: дзейнічаем у інтарэсах рэзідэнтаў СЭЗ

Старт праекта Беларускай гандлёва-прамысловай палаты «Дзень з БелГПП: дзейнічаем у інтарэсах рэзідэнтаў СЭЗ» адбыўся ў Віцебску. Гэта новы фармат прэзентацыі магчымасцей БелГПП экспартна арыентаваным прадпрыемствам – рэзідэнтам свабодных эканамічных зон.

Першае мерапрыемства арганізавана сумесна з Адміністрацыяй свабоднай эканамічнай зоны «Віцебск».

Дзень з БелГПП адкрыў намеснік старшыні Беларускай гандлёва-прамысловай палаты Дзяніс Мялешкін. «Адной з галоўных задач гандлёва-прамысловых палат з'яўляецца дапамога, садзейнічанне, спрыянне беларускім прадпрыемствам развіваць, у першую чаргу, знешнеэканамічную дзейнасць. Прыярытэт для нас – гэта арыентаваныя на экспарт прадпрыемствы, а рэзідэнты СЭЗ – гэта, у першую чаргу, яны і ёсць», – адзначыў ён, анансуючы актуальнасць дадзенага фармату прэзентацый напрамкаў дзейнасці, экспертаў і паслуг БелГПП.

Ён падрабязна прадставіў перавагі статусу «Член БелГПП», інструменты падтрымкі і напрамкі дзейнасці Беларускай гандлёва-прамысловай палаты.

«Партфель нашых паслуг шырокі: пачынаючы ад кансультацый і сертыфікацыі і заканчваючы вырашэннем праблемных пытанняў – санкцыйным камплаенсам, сведчаннем форс-мажору, урэгуляваннем спрэчак і г.д., – падкрэсліў намеснік старшыні БелГПП. – Глабальна аўтарытэт Палаты і яе членаў трымаецца на «трох кітах»: пацверджанне статуту і добрасумленнасці, заснаванае на сусветным брэндзе гандлёва-прамысловай палаты як такім; кансультацыйная і інфармацыйная падтрымка, адукацыя; выкарыстанне інфраструктуры. Спадзяюся, нашы зносіны стануць пэўным крокам да таго, каб арыентаваныя на экспарт рэзідэнты СЭЗ змаглі на практыцы даведацца пра нашы перавагі, каб атрымаць у выніку ўзаемавыгадны эфект».

Вітаў удзельнікаў таксама кіраўнік адміністрацыі СЭЗ «Віцебск» Міхаіл Скурат.

У рамках практыка-арыентаваных сесій «Прававыя механізмы пераадолення ўплыву санкцый на гаспадарчую дзейнасць», «Практычныя аспекты сертыфікацыі, экспертызы, ацэнкі рухомай і нерухомай маёмасці», «Як зрабіць эфектыўным удзел у міжнароднай выставе» эксперты БелГПП асвятлілі такія тэмы, як санкцыйны комплаенс, форс-мажор, урэгуляванне знешнеэканамічных спрэчак у арбітражы, асаблівасці рэгулявання міжнароднай здзелкі куплі-продажу тавараў, ключавыя складанасці, якія ўзнікаюць у рамках пацвярджэння ўласнай вытворчасці, ацэнка аб'ектаў грамадзянскіх правоў, эфектыўнасць удзелу ў міжнародных выставах, а таксама абарона інтэлектуальнай уласнасці.

Спікерамі выступілі начальнік дэпартамента прававога забеспячэння і лічбавых тэхналогій БелГПП Віталь Вабішчэвіч, намеснік генеральнага дырэктара па экспертызе і сертыфікацыі Віцебскага аддзялення БелГПП Ірына Філь, начальнік упраўлення выстаў УП «Белінтэрэкспа» Ганна Прынеслік.

Па выніках мерапрыемства ўдзельнікі маглі атрымаць індывідуальныя кансультацыі экспертаў Беларускай гандлёва-прамысловай палаты.