Дні Мінска ў Екацярынбургу: умацаванне партнёрства праз бізнес і культуру

Генеральны дырэктар Мінскага аддзялення Беларускай гандлёва-прамысловай палаты Сяргей Набешка прыняў актыўны ўдзел у маштабным мерапрыемстве – Днях Мінска ў Екацярынбургу, арганізаваных Мінскім гарадскім выканаўчым камітэтам пры падтрымцы адміністрацыі Свярдлоўскай вобласці. Гэта падзея стала важным этапам у развіцці шматгадовага супрацоўніцтва паміж гарадамі-пабрацімамі.

Адкрыццё Дзён Мінска пачалося з бізнес-форуму, дзе прадстаўнікі 11 беларускіх кампаній, у тым ліку Мінскі малочны завод, кандытарская фабрыка «Камунарка» і Мінскі гадзіннікавы завод, абмеркавалі з уральскімі калегамі перспектывы супрацоўніцтва. У рамках форуму было заключана 8 пагадненняў, накіраваных на пашырэнне гандлёвых сувязей і рэалізацыю сумесных праектаў у сферах машынабудавання, харчовай прамысловасці і інавацыйных тэхналогій.

Так, кіраўнікі Мінскага аддзялення БелГПП і Уральскай ГПП падпісалі пагадненне аб супрацоўніцтве, якое прадугледжвае рэалізацыю шэрагу ініцыятыў па розных напрамках двухбаковага супрацоўніцтва.

У рамках выступлення Сяргей Набешка адзначыў ролю гандлёва-прамысловых палат у развіцці адносін паміж бізнесам Беларусі і Расіі, падкрэсліўшы: «Мы бачым, што пляцоўка форуму становіцца драйверам для канкрэтных кантрактаў. Ужо на этапе падрыхтоўкі дэлегацыі абмяркоўвалі праекты, якія ў найбліжэйшыя месяцы дадуць вынікі».

Асаблівы інтарэс выклікалі планы Мінскага гадзіннікавага завода, які анансаваў стварэнне лімітаванай калекцыі гадзіннікаў, прысвечанай Екацярынбургу. Гэта дазволіць прадпрыемству павялічыць вытворчасць да 10 тыс. адзінак у месяц і ўмацаваць пазіцыі на расійскім рынку.

Паралельна з дзелавой праграмай у ГЦ «Мега» прайшла выстаўка-кірмаш беларускай прадукцыі. Госці змаглі пакаштаваць нацыянальныя ласункі і прысмакі: ад марожанага і цукерак «Камунаркі» да мясных і малочных вырабаў.

Гэта ўжо другое беларускае мерапрыемства, якое прайшло на данай пляцоўцы, у 2023 годзе падчас удзелу Беларусі як краіны-партнёра ў выстаўцы ІНАПРАМ Мінскае аддзяленне БелГПП арганізавала фестываль-кірмаш «Ад усяго сэрца».

Для даведкі: «Ад усяго сэрца» – больш, чым проста кірмаш. Гэта фестываль беларускай культуры і беларускіх тавараў, які быў прадстаўлены блокамі «Беларусь СМАЧНАЯ», «Беларусь ПРЫГОЖАЯ», «Беларусь СПАРТЫЎНАЯ», «Беларусь ЦІКАВАЯ» і «Беларусь ДЗЕЦЯМ».

Удзельнікі прэзентавалі харчовыя тавары (мясамалочную прадукцыю, кандытарскія і хлебабулачныя вырабы), касметыку, прадукцыю лёгкай прамысловасці, гадзіннікі, посуд. Канцэрн «Беллегпрам» арганізаваў продаж скураных галантарэйных вырабаў, абутку і дзелавога адзення.

Наведвальнікі маглі пакаштаваць стравы беларускай кухні, паглядзець фільмы беларускага кінематографа, а таксама прыняць удзел у бясплатных майстар-класах па танцах і нават засвоіць асновы лозапляцення і іншых народных промыслаў.

Гасцей кірмашу радавалі выступленні творчых калектываў «Белы Птах», «Вербiца», «Кантабіле». Асаблівае захапленне выклікалі танцавальныя шоу трактараў BELARUS ад ААТ «МТЗ».

Турыстычны напрамак таксама не застаўся ў баку. На асобнай пляцоўцы екацярынбуржцам прапаноўвалі экскурсіі па Мінску, Брэсце і Гродне, а фальклорны ансамбль «Купалінка» і акадэмічны танцавальны калектыў Беларусі выступілі з яркай канцэртнай праграмай.

Старшыня Мінгарвыканкама Уладзімір Кухараў адзначыў: «Дзесяцігоддзі партнёрства даказалі: такія форумы – гэта не проста сустрэчы, а старт для рэальных праектаў. Упэўнены, што падпісаныя пагадненні адкрыюць новыя гарызонты для нашых рэгіёнаў».

Намеснік губернатара Свярдлоўскай вобласці Аляксей Кузняцоў дадаў, што ўзаемадзеянне з Беларуссю ахоплівае ключавыя галіны эканомікі, а поспехі дасягнуты дзякуючы сумесным намаганням бізнесу і дзяржавы.

Увосень 2025 года супрацоўніцтва працягнецца на выстаўцы ІНАПРАМ. Беларусь у Мінску, дзе ўральскія кампаніі прадставяць свае інавацыі. А да гэтага беларуская дэлегацыя 7-10 ліпеня прыме ўдзел у выстаўцы ІНАПРАМ у Екацярынбургу (больш падрабязная інфармацыя).

Дні Мінска ў Екацярынбургу не толькі ўмацавалі эканамічныя сувязі, але і нагадалі пра культурную блізкасць двух народаў, даказаўшы, што пабрацімства – гэта жывы працэс, напоўнены ўзаемным інтарэсам і даверам.