Круглы стол з удзелам прадпрыемстваў-рэзідэнтаў Мінскага гарадскога тэхнапарку

З мэтай аказання практычнага садзейнічання пры вядзенні знешнеэканамічнай дзейнасці Мінскае аддзяленне БелГПП правяло круглы стол на пляцоўцы Мінскага гарадскога тэхнапарку з удзелам прадпрыемстваў-рэзідэнтаў.

Генеральны дырэктар Мінскага аддзялення БелГПП Сяргей Набешка, звяртаючыся да прадпрыемстваў-рэзідэнтаў тэхнапарку, падкрэсліў неабходнасць пастаяннага ўзаемадзеяння з бізнес-супольнасцю для далейшай рэалізацыі практычных магчымасцей БелГПП, накіраваных на садзейнічанне беларускім прадпрыемствам у розных сферах знешнеэканамічнай дзейнасці.

У рамках свайго выступлення перад удзельнікамі мерапрыемства начальнік дэпартамента прававога забеспячэння і лічбавых тэхналогій БелГПП Віталь Вабішчэвіч расказаў аб актуальных інструментах прававой падтрымкі ЗЭД у сучасных умовах, прыкладах форс-мажорных сітуацый, перавагах санкцыйнага камплаенсу і арбітражу.

Начальнік інфармацыйна-маркетынгавага сектара Мінскага аддзялення БелГПП Віталь Жук інфармаваў рэзідэнтаў тэхнапарку аб арыентаваных на практычнае прымяненне праектах і механізмах эфектыўнага прасоўвання беларускага экспарту ў краіны блізкага і далёкага замежжа, інструментах садзейнічання прадпрыемствам пры супрацоўніцтве з замежнымі партнёрамі.

Удзельнікі мерапрыемства мелі магчымасць абмяняцца вопытам, выслухаць экспертную думку і атрымаць каштоўныя рэкамендацыі па вырашэнні розных юрыдычных пытанняў, варыянтах папулярызацыі беларускай прадукцыі на экспарт.