Круглы стол па пытаннях уключэння ў еўразійскі рэестр прамысловых тавараў

Круглы стол па пытаннях уключэння ў еўразійскі рэестр прамысловых тавараў адбыўся ў Мінскім аддзяленні БелГПП.

Тэма актуальная, таму што 3 лютага ўступілі ў сілу змены ў Рашэнне Савета Еўразійскай эканамічнай камісіі ад 23 лістапада 2020 г. № 105 «Аб зацвярджэнні Правіл вызначэння краіны паходжання асобных відаў тавараў для мэт дзяржаўных (муніцыпальных) закупак», што выклікала неабходнасць тлумачэння шэрагу пытанняў для далейшай эфектыўнай работы з прадпрыемствамі падчас правядзення адпаведных экспертыз.

У мерапрыемстве прынялі ўдзел начальнік упраўлення сертыфікацыі і экспертнай дзейнасці БелГПП Мікалай Жукоўскі, намеснік генеральнага дырэктара па экспертызе і сертыфікацыі Мінскага аддзялення БелГПП Ірына Куцко, начальнік аддзела экспертыз і сертыфікацыі Мінскага аддзялення БелГПП Максім Сміркін, з дакладамі па напрамках выступілі вядучыя эксперты аддзела экспертыз і сертыфікацыі машын і абсталявання Мінскага аддзялення БелГПП Алег Статкевіч, Пётр Ануфрыеў і Наталля Таборка.

У рамках круглага стала ўдзельнікі абмеркавалі ключавыя моманты ў зменах Рашэння №1, на канкрэтных прыкладах разгледзелі асаблівасці прымянення Правіл.

Быў разгледжаны шырокі спектр пытанняў па прынцыпе фарміравання пакета дакументаў для правядзення экспертызы і неабходнасці своечасовага афармлення на прадпрыемствах адпаведнай дакументацыі для афармлення актаў.

Падрабязна разгледзелі парадак пацвярджэння затрат на навуковыя даследаванні і (ці) вопытна-канструктарскія распрацоўкі.

У ходзе круглага стала ўдзельнікі мелі магчымасць задаць пытанні і атрымаць кампетэнтныя адказы экспертаў. Па водгуках гасцей, сустрэча прайшла эфектыўна, што даказвае неабходнасць і надалей праводзіць такія мерапрыемствы.

Прадпрыемствам быў дадзены пералік праграм з дзяржаўнай падтрымкай на 2025 год па Рашэнні № 105.