Лепшыя эксперт і ацэншчык у Мінскім аддзяленні БелГПП

Мінскае аддзяленне БелГПП пацвердзіла статус лідара ў сферы экспертызы і ацэнкі, заняўшы першыя месцы ў рэспубліканскім конкурсе Беларускай гандлёва-прамысловай палаты.

БелГПП падвяла вынікі штогадовага конкурсу на званне лепшага эксперта і ацэншчыка сярод работнікаў унітарных прадпрыемстваў сістэмы БелГПП. Гэты конкурс мае на мэце стымуляваць павышэнне прафісійнага ўзроўню экспертаў і ацэншчыкаў, а таксама садзейнічаць паляпшэнню якасці аказваемых паслуг. Перамога спецыялістаў Мінскага аддзялення БелГПП сведчыць пра найвышэйшы ўзровень падрыхтоўкі і кампетэнтнасці супрацоўнікаў, а таксама пра імкненне аддзялення да пастаяннага ўдасканалення.

Так, у намінацыі «Лепшы эксперт БелГПП» заслужаную перамогу атрымала вядучы эксперт аддзела экспертыз і сертыфікацыі харчовых і нехарчовых тавараў УП «Мінскае аддзяленне БелГПП» Алена Беразоўская.

У намінацыі «Лепшы ацэншчык БелГПП» першае месца па праву заняў вядучы ацэншчык аддзела ацэнкі УП «Мінскае аддзяленне БелГПП» Андрэй Хоміч.

Перамога супрацоўнікаў пацвярджае ролю Мінскага аддзялення як лідара ў сістэме БелГПП, яго значны ўклад у развіццё экспертнай і ацэначнай дзейнасці ў Беларусі.

Віншуем пераможцаў! Жадаем далейшых прафесійных поспехаў, новых дасягненняў і невычэрпнага натхнення на рабоце!