Анлайн-перагаворы паміж беларускімі і омскімі дзелавымі коламі

Лічбавая біржа кантактаў прайшла паміж беларускімі і омскімі дзелавымі коламі.

Перагаворы праходзілі 27 і 28 лістапада. Арганізатарамі выступілі Мінскае аддзяленне БелГПП сумесна з ГПП Омскай вобласці.

У анлайн-фармаце адбылося больш за 50 індывідуальных сустрэч у сферах станкабудавання, нафтавай, газавай, энергетычнай, атамнай, хімічнай, машынабудаўнічай, горназдабыўнай, лёгкай і харчовай прамысловасцей, а таксама бытавой хіміі, сельскай гаспадаркі і ў сферы адукацыі.

Дзелавыя перагаворы прайшлі прадуктыўна. Бакі акрэслілі сферу інтарэсаў, намецілі шляхі далейшага ўзаемадзеяння, наладзілі кантакты для супрацоўніцтва.