Адкрыццё офіса прадстаўніка БелГПП у Свярдлоўскай вобласці

Цырымонія афіцыйнага адкрыцця офіса прадстаўніка Беларускай гандлёва-прамысловай палаты ў Свярдлоўскай вобласці адбылася 7 снежня ў Екацярынбурзе. Прадстаўніком БелГПП прызначаны Іван Булавін.

У цырымоніі адкрыцця офіса прынялі ўдзел намеснік Міністра міжнародных і знешнеэканамічных сувязей Свярдлоўскай вобласці Людміла Берг, кіраўнік аддзялення Пасольства Рэспублікі Беларусь у Расійскай Федэрацыі ў Екацярынбургу Сяргей Чычук, віцэ-прэзідэнт Саюза «Уральская гандлёва-прамысловая палата» Міхаіл Казлоў, прадстаўнікі дыпламатычнага корпуса, бізнесу, беларускай дыяспары. Па відэасувязі ўдзельнікаў цырымоніі вітаў намеснік старшыні БелГПП Дзяніс Мялешкін.

Як адзначыў кіраўнік аддзялення Пасольства Рэспублікі Беларусь у Екацярынбургу Сяргей Чычук, мэты стварэння офіса прадстаўніка БелГПП – каардынацыя дзейнасці па развіццю сацыяльных, гандлёва-эканамічных, навукова-тэхнічных і культурных сувязей паміж Беларуссю і Свярдлоўскай вобласцю, прасоўванне беларускіх тавараў, умацаванне сувязяў паміж гандлёва-прамысловымі. палатамі Уральскага рэгіёна і Беларусі. Калі дадзеная ініцыятыва будзе паспяховай, у далейшым плануецца асвоіць суседнія расійскія рэгіёны.

«Адкрыццё офіса – не выпадковая падзея. Гэта заканамерны вынік шматгадовага супрацоўніцтва, – адзначыў Дзяніс Мялешкін. – Нягледзячы на геаграфічную аддаленасць, Свярдлоўская вобласць традыцыйна з'яўляецца надзейным гандлёвым партнёрам Беларусі».

Намеснік старшыні БелГПП падкрэсліў эфектыўнасць штогадовага ўдзелу беларускіх кампаній у прамысловай выставе «ІННАПРОМ» у Екацярынбургу, а таксама значнасць таго факту, што ў 2023 годзе Беларусь прыме ўдзел у выставе ў якасці краіны-партнёра. «Упэўнены, што гэта паслужыць дадатковым стымулам для пашырэння беларуска-расійскай прамыслова-тэхналагічнай кааперацыі», – адзначыў Дзяніс Мялешкін.

Ён таксама выказаў упэўненасць, што работа прадстаўніка БелГПП у Свярдлоўскай вобласці Івана Булавіна будзе садзейнічаць адкрыццю новых гарызонтаў і ніш для ўзаемавыгаднага супрацоўніцтва бізнесу дзвюх краін.