Вітаем новых правадзейных членаў БелГПП!

Пасведчанні аб членстве ў Беларускай гандлёва-прамысловай палаце былі ўручаны кіраўнікам 15 прадпрыемстваў і арганізацый Мінска і Мінскай вобласці. Урачыстая цырымонія адбылася на пляцоўцы Мінскага аддзялення БелГПП.

Кампаніі, новыя члены БелГПП, прадстаўляюць розныя сферы дзейнасці, але іх аб’ядноўвае жаданне развіцця бізнесу, выхаду на новы ўзровень і пашырэння магчымасцей сваіх прадпрыемстваў праз дзейнасць і прапанаваныя паслугі БелГПП. На сёння галоўная функцыя Палаты – развіццё экспарту, знешнегандлёвых і знешнеэканамічных сувязей, работа на знешніх рынках.

Вітаючы ўдзельнікаў, генеральны дырэктар Мінскага аддзялення БелГПП Сяргей Набешка падрабязна расказаў пра структуру Палаты, наяўныя прыкладныя інструменты і парадак эфектыўнага ўзаемадзеяння для дасягнення неабходных мэт. «Статус члена БелГПП – гэта найлепшая рэкамендацыя ў дзелавых колах Беларусі і ўсяго свету, дакладная прыкмета трываласці прадпрыемства. Акрамя таго, варта памятаць, што гэта не толькі прэстыж, але і галоўнае – адказнасць пры вядзенні бізнесу, заснаваная на прынцыпах чэснасці і добрасумленнасці», – адзначыў Сяргей Набешка.

Начальнік дэпартамента прававога забеспячэння і інфармацыйных тэхналогій БелГПП Віталій Вабішчэвіч азнаёміў удзельнікаў з картай членства БелГПП. На сёння карта носіць прыкладны характар, і ўжо ўчора дадзены старт першай падзеі. У Мінску прайшоў Кангрэс па міжнародных разліках, які выклікаў вялікую цікавасць сярод удзельнікаў знешнеэканамічнай дзейнасці. У цэлым, картай членства для бізнесу прадугледжаны шэраг мерапрыемстваў на працягу года, што маюць на мэце атрыманне прадпрыемствамі шырокага спектра паслуг, пачынаючы ад маркетынгавых даследаванняў па розных напрамках і навучальных мерапрыемстваў да міжнародных знешнеэканамічных форумаў і сустрэч з дыпламатамі.

Па традыцыі сустрэча прайшла ў рэжыме адкрытага дыялогу. Кожны ўдзельнік меў магчымасць прадставіць сваё прадпрыемства, азнаёміцца з дзейнасцю калег, а таксама задаць пытанні прадстаўнікам БелГПП. Асаблівая каштоўнасць такіх зносін заключаецца ў тым, што Палаце важна чуць меркаванні суб’ектаў гаспадарання, іх праблемы, таму што гнуткае рэагаванне на запыты бізнесу – адна з пераваг работы з БелГПП.