Садзейнічанне прадпрыемствам Дзяржынскага раёна па выхадзе на замежныя рынкі

Інструменты падтрымкі беларускіх прадпрыемстваў па выхадзе на замежныя рынкі былі абмеркаваны на пасяджэнні Савета па развіццю прадпрымальніцтва, якое дзейнічае пры Дзяржынскім райвыканкаме. У сустрэчы, якая прайшла пад кіраўніцтвам намесніка старшыні райвыканкама, які курыруе пытанні эканомікі, Алы Мятлушкі, прынялі ўдзел больш за 30 прадстаўнікоў дзелавых колаў Дзяржынскага раёна. Начальнік інфармацыйна-маркетынгавага сектара Мінскага аддзялення БелГПП Віталь Жук падрабязна спыніўся на магчымасцях і эфектыўных інструментах падтрымкі прадпрыемстваў пры выхадзе на замежныя рынкі і вядзенні ЗЭД з замежнымі партнёрамі. Валодаючы значнымі ведамі і назапашаным вопытам, Мінскае аддзяленне БелГПП прапанавала прадпрымальнікам дзейсныя механізмы мінімізацыі негатыўных наступстваў вядзення бізнесу з партнёрамі з блізкага і далёкага замежжа, а таксама цэлы шэраг інструментаў па эфектыўнаму замацаванню на ўжо існуючых рынках і пашырэнню геаграфіі беларускага экспарту.