Беларуская экспазіцыя на выставе ў рамках II Узбекска-Беларускага жаночага бізнес-форуму

Садзейнічанне рэалізацыі міждзяржаўных дамоўленасцей Узбекістана і Беларусі ў частцы эканамічнага, сацыякультурнага і навуковага ўзаемадзеяння на ўзроўні профільных міністэрстваў і ведамстваў, прадпрыемстваў і арганізацый з'яўляецца адным з ключавых вектараў міжнароднага супрацоўніцтва.

Прыкладам сумеснага міжурадавага дыялогу з'яўляецца другі Узбекска-Беларускі жаночы бізнес-форум, які праходзіць у Ташкенце ў перыяд з 26 па 28 жніўня. Мерапрыемства аб'ядноўвае пленарную сесію з тэматычнымі секцыйнымі пасяджэннямі і выставачна-кірмашовую частку з шматгаліновай прэзентацыяй тавараў, прадукцыі ўзбекскіх і беларускіх прадпрыемстваў. Арганізатарамі маштабнай падзеі выступаюць Сенат Олій Мажліс Рэспублікі Узбекістан і Савет Рэспублікі Нацыянальнага сходу Рэспублікі Беларусь.

Беларускі бок 27 жніўня ў рамках Форуму пад эгідай унітарнага прадпрыемства «Белінтэрэкспа» Беларускай гандлёва-прамысловай палаты прэзентаваў экспазіцыю Made in Belarus з удзелам каля 60 прадпрыемстваў і арганізацый.

Выставачныя элементы павільённай экспазіцыі дапоўнены экспанатамі ў рамках вулічнай спецыялізаванай пляцоўкі, дзе прадэманстраваны ўзоры тэхнікі і абсталявання профільных кампаній.

Навуковы, сацыякультурны і эканамічны патэнцыял шырока прадстаўлены тэматычнымі лякацыямі беларускай экспазіцыі, з якімі высокіх гасцей - Старшыню Сената Олій Мажліса Танзілу Нарбаеву і Старшыню Савета Рэспублікі Наталлю Качанаву - падрабязна азнаёміў старшыня Беларускай гандлёва-прамысловай палаты Міхаіл Мятлікаў.

Сярод экспанентаў - флагманы беларускай прамысловасці: ААТ «МАЗ» - кіруючая кампанія холдынгу «БЕЛАЎТАМАЗ», ААТ «МТЗ», ААТ «Гомсельмаш» - кіруючая кампанія холдынгу «ГОМСЕЛЬМАШ», ААТ «Белкамунмаш», ААТ «Гарызонт» і іншыя, вядучыя канцэрны краіны: «Беллегпрам», «Белхарчпрам», «Беллеспаперапрам», навукова-тэхнічныя арганізацыі, прадпрыемствы Дзяржаўнага камітэта па навуцы і тэхналогіях Рэспублікі Беларусь і ўстановы адукацыі, прадстаўнікі сферы аховы здароўя і медыцыны Беларусі: РУП «Кіруючая кампанія холдынгу "Белфармпрам"», ДУ «Рэспубліканскі навукова-практычны цэнтр Маці і дзіця», ДУ «Рэспубліканскі навукова-практычны цэнтр неўралогіі і нейрахірургіі» і іншыя.

Спецыяльна для выставачнай часткі Форума беларускімі ўдзельнікамі падрыхтаваны шэраг тэхналагічных навінак і ўнікальнай прадукцыі, якая адлюстроўвае ключавы напрамак дзелавой падзеі - пашырэнне «зялёнага вектара» супрацоўніцтва паміж краінамі.

Так, прадпрыемствам «Світанак» распрацавана калекцыя адзення з ільняных і баваўняна-ільняных палотнаў «Сцежка» ў ЭКА стылі - аднаго з ключавых сучасных модных напрамкаў.

ААТ «Камволь» прапанаваны асартымент тавараў, у тым ліку вырабленых на суконным абсталяванні з захаваннем традыцый брэнда «Сукно». Прадуктовая лінейка пакрывае тры асноўныя напрамкі: ведамасны, грамадзянскі і хатні тэкстыль, гатовыя вырабы ў выглядзе коўдраў і пледаў.

Прадпрыемствам ААТ «Віцебскія дываны» прадстаўлены інавацыйныя дываны з калекцыі «Элін»/«Фрэска» з тэхналогіяй «drop-stitch» (пропускі) па ворсавай паверхні з усаджвальнай ніткі. Калекцыі «Дольчэ», «Нэкст». Адметнай асаблівасцю з'яўляецца выкарыстанне ў якасці ворсавай асновы поліэфірнай бліскучай ніткі і поліэфірнай з высокай ступенню ўсаджвання.

ТАА «Кіруючая кампанія холдынгу "Беларуская гарбарна-абутковая кампанія "Марка"» прэзентуе жаночы, мужчынскі і дзіцячы абутак з натуральнай скуры з выкарыстаннем прагрэсіўнага ліццёвага метаду мацавання (Direct Injection) абутку да падэшвы.

У рамках беларускай экспазіцыі прадстаўлена таварная лінейка кандытарскіх, пасціла-мармеладных вырабаў і цукерак прадпрыемстваў ААТ «Чырвоны харчавік», СААТ «Камунарка», СП ААТ «Спартак».

Беларускія тавары б'юці-сферы прадстаўлены кампаніямі СААТ «Парфумерна-касметычная фабрыка "Модум - наша касметыка"» і ЗАТ «ВІТЭКС», якія прапануюць асартыментную лінейку касметычнай прадукцыі і сродкаў асабістай гігіены, уключаючы крэму, тонікі, алеі, спрэі, шампуні і ласьёны.

У рамках выставачных мерапрыемстваў таксама запланаваны шэраг перамоваў і сустрэч з удзелам прадстаўнікоў узбекскага бізнэсу і менеджментам беларускіх прадпрыемстваў.