Дзелавая сустрэча з кіраўніком Маскоўскай ГПП

З 13 па 14 чэрвеня адбыўся візіт генеральнага дырэктара Мінскага аддзялення БелГПП Сяргея Набешкі ў Маскву. 13 чэрвеня Сяргей Набешка прыняў удзел ва ўрачыстым адкрыцці Дзён Мінска на ВДНГ. Беларуская сталіца стала заключнай лакацыяй у марафоне рэгіёнаў нашай краіны.

14 чэрвеня Сяргей Набешка сустрэўся са сваім калегам, прэзідэнтам Маскоўскай гандлёва-прамысловай палаты Уладзімірам Платонавым.

У ходзе сустрэчы быў абмеркаваны шэраг важных пытанняў, звязаных з умацаваннем міжпалатавага супрацоўніцтва і развіццём сувязей па лініі бізнесу. Бакі падкрэслілі значнасць гістарычных і сяброўскіх сувязей паміж Расіяй і Беларуссю, а таксама абмеркавалі працу XI Форума рэгіёнаў Расіі і Беларусі, што сёлета мае адбыцца ў Віцебску.

Па заканчэнні сустрэчы Сяргей Набешка запрасіў Уладзіміра Платонава наведаць беларускую сталіцу ў верасні для ўдзелу ў Міжнародным форуме эканамічнага супрацоўніцтва ў рамках святкавання 957-годдзя Мінска.