Дзелавы візіт беларускай дэлегацыі ў г. Хулун-Буір (КНР): ад вывучэння вытворчасці да пратакола аб пастаўках сельгастэхнікі

7-11 верасня 2026 г. Брэсцкім аддзяленнем БелГПП арганізаваны дзелавы візіт у г. Хулун-Буір. У складзе дэлегацыі прынялі ўдзел прадстаўнікі ключавых прадпрыемстваў аграрна-прамысловага комплексу Брэсцкай вобласці: АКУПТП "Брэстаблаграсэрвіс", ААТ "Бярозаўскі маторарамонтны завод", ААТ "Кобрынаграмаш".

У ходзе візіту беларускі бок азнаёміўся з вытворчымі магутнасцямі кітайскіх заводаў-партнёраў, вывучыў тэхналагічныя працэсы вырабу сельскагаспадарчай тэхнікі і камплектуючых, а таксама абмеркаваў практычныя аспекты арганізацыі сумеснай вытворчасці на тэрыторыі Рэспублікі Беларусь.

Асаблівая ўвага ў рамках перагавораў была ўдзелена пытанням прамых паставак гатовай сельгастэхнікі і запасных частак, што дасць магчымасць аптымізаваць лагістыку і знізіць выдаткі для беларускіх аграрыяў.

Вынікам рабочай паездкі стала падпісанне двухбаковага дакумента, які замацоўвае намеры бакоў па развіццю супрацоўніцтва: Пратакол аб намерах паміж АКУПТП "Брэстаблаграсэрвіс" і кітайскімі вытворцамі, які прадугледжвае будучыя пастаўкі сельскагаспадарчай тэхнікі.

Падпісаныя дакументы ствараюць прававую аснову для далейшай работы па лакалізацыі вытворчасці, абмене тэхналогіямі і развіццю прамых эканамічных сувязей паміж прадпрыемствамі Брэсцкай вобласці і партнёрамі з Унутранай Манголіі.