Як бізнесу хутка прайсці сертыфікацыю для выхаду на экспарт у 2026 годзе. Разабралі на семінары

17 снежня 2025 г

На пляцоўцы Барысаўскага філіяла Мінскага аддзялення БелГПП адбыўся практычны семінар, на якім падрабязна разабралі актуальныя пытанні сертыфікацыі і працэдуры атрымання дакументаў.

Семінар адкрыла намеснік генеральнага дырэктара Мінскага аддзялення БелГПП Ірына Куцко. У прывітанні яна пазначыла мэты мерапрыемства, прадставіла спецыялістаў аддзялення і падкрэсліла значныя новаўвядзенні ў нарматыўным рэгуляванні.

Лектарамі выступілі кіраўнікі напрамкаў і эксперты Мінскага аддзялення БелГПП, якія падрабязна разабралі працэдуру праходжання сертыфікацыі. Удзельнікі атрымалі комплекснае ўяўленне пра сістэму – ад агляду агульных паняццяў да міжнародных нарматыўных актаў.

У фокусе ўвагі сустрэчы:

·        Асноўныя змены ў 2025 годзе ў правілах вызначэння краіны паходжання тавараў.
·        Лічбавізацыя працэсаў: як электроннае дакументаабарачэнне спрашчае падачу і атрыманне неабходных дакументаў.
·        Парадак узаемадзеяння з Еўразійскай эканамічнай камісіяй і вядзення рэестраў.
·        Правапрымяняльная практыка: як правільна выкарыстоўваць дакументы аб паходжанні для дзяржзакупак у ЕАЭС, лізінгавых праграм і вызвалення ад утылізацыйнага збору.
·        Аптымізацыя ўзаемадзеяння паміж заяўнікамі і экспертызай: з чаго пачаць і як выбудаваць эфектыўную працу.

Завяршыўся семінар сесіяй пытанняў і адказаў, падчас якой удзельнікі змаглі абмеркаваць з экспертамі практычныя кейсы, спрэчныя сітуацыі і нюансы прымянення новых патрабаванняў. Жывая дыскусія пацвердзіла высокую цікавасць бізнесу да тэматыкі семінару.

Мінскае аддзяленне БелГПП на пастаяннай аснове ажыццяўляе кансультацыйнае суправаджэнне па пытаннях сертыфікацыі. Пры наяўнасці пытанняў прапануем накіроўваць іх па спасылцы, размешчанай ніжэй.

Фота