На палях "Белагра-2026": Мінскае аддзяленне БелГПП абмеркавала з партнёрамі планы на будучыя форумы

Дзелавая праграма найбуйнейшай аграпрамысловай выставы краіны "Белагра-2026" традыцыйна ўключае ў сябе не толькі дэманстрацыю найноўшых узораў тэхнікі і дасягненняў АПК, але і інтэнсіўныя міжнародныя перамовы аб будучым супрацоўніцтве.

На пляцоўцы выставы адбыліся сустрэчы кіраўніцтва Мінскага аддзялення Беларускай гандлёва-прамысловай палаты з дэлегацыямі партнёраў з Азербайджана і шэрага рэгіёнаў Расійскай Федэрацыі. Бакі падвялі папярэднія вынікі ўзаемнага гандлю і вызначылі канкрэтныя захады па паглыбленні кааперацыі на другое паўгоддзе 2026 года.

Асаблівая ўвага ў ходзе перагавораў была нададзена падрыхтоўцы да ключавых дзелавых падзей 2026 года, якія стануць пунктамі прыцягнення для экспарцёраў і імпарцёраў. Партнёры пацвердзілі свой удзел у наступных знакавых пляцоўках:

1.    XIII Форум рэгіёнаў Беларусі і Расіі (25–26 чэрвеня 2026 года). Гэта найбліжэйшая буйная падзея, якая пройдзе ў Мінску і Мінскай вобласці. Удзельнікі абмяркуюць пытанні прамысловай кааперацыі, развіцця новых вытворчых ланцужкоў і імпартазамяшчэння.

2.     Міжнародны форум эканамічнага супрацоўніцтва (11 верасня 2026 года). Мерапрыемства, якое стала візітнай карткай сталіцы, традыцыйна пройдзе ў рамках святкавання Дня горада. Чакаецца, што форум збярэ прадстаўнікоў улады і бізнесу.

3. II Міжнародная прамысловая выстава «ІНАПРАМ. Беларусь» (30 верасня - 2 кастрычніка 2026 года). Маштабная падзея ў Мінскім міжнародным выставачным цэнтры, якая сёлета зноў аб'яднае лідараў індустрыі з краін ЕАЭС. Плошча экспазіцыі перавысіць 20 тысяч квадратных метраў, а ўдзел ужо пацвердзілі флагманы машынабудавання і тэхналагічных галін.

Бакі выказалі ўпэўненасць, што сістэмная работа на гэтых пляцоўках дасць магчымасць не толькі ўмацаваць наяўныя сувязі, але і выйсці на прынцыпова новыя кантракты ў сферы прамысловасці і інавацый.

«Белагра-2026», якая стартавала ў сталічным выставачным цэнтры 2 чэрвеня і працягнецца да 6 чэрвеня, стала зручнай платформай для такога стратэгічнага дыялогу. У форуме прымаюць удзел 570 кампаній з 11 краін свету.