Аукцыёны

Карысная інфармацыя

Унітарнае прадпрыемства «Мінскае аддзяленне БелГПП» праводзіць работу па арганізацыі таргоў па продажы маёмасці недзяржаўнай формы ўласнасці.

Для ўдзелу ў таргах у названы ў паведамленні тэрмін ва ўнітарнае прадпрыемства  «Мінскае аддзяленне БелГПП» падаецца заява на ўдзел у таргах з наступнымі дакументамі:

• індывідуальным прадпрымальнікам – копія пасведчання аб дзяржаўнай рэгістрацыі і яго арыгінал для засведчання яго копіі арганізатарам таргоў;

• юрыдычнай асобай – копіі ўстаноўчых дакументаў і пасведчання аб дзяржаўнай рэгістрацыі юрыдычнай асобы і іх арыгіналы для засведчання іх копій арганізатарам таргоў, а таксама даверанасць, выдадзеная прадстаўніку юрыдычнай асобы (акрамя выпадкаў, калі юрыдычную асобу прадстаўляе яе кіраўнік);

• замежнай юрыдычнай асобай, замежнай арганізацыяй, якая не з'яўляецца юрыдычнай асобай і створана ў адпаведнасці з заканадаўствам замежных дзяржаў, замежнай дзяржавай і іх адміністрацыйна-тэрытарыяльнымі адзінкамі ў асобе ўпаўнаважаных органаў, міжнароднай арганізацыяй – легалізаваныя ва ўстаноўленым парадку копіі ўстаноўчых дакументаў, выпіска з гандлёвага рэестра краіны паходжання (выпіска павінна быць падрыхтавана на працягу шасці месяцаў да падачы заявы на ўдзел у таргах) або іншы эквівалентны доказ статусу юрыдычнай асобы ў адпаведнасці з заканадаўствам краіны паходжання, дакумент аб фінансавай плацежаздольнасці, выдадзены абслуговым банкам або іншай крэдытна-фінансавай арганізацыяй, з натарыяльна заверанымі перакладамі на рускую або беларускую мову;

• прадстаўніком замежнага інвестара – легалізаваная ва ўстаноўленым парадку даверанасць, дакумент аб фінансавай плацежаздольнасці замежнага інвестара, выдадзены абслуговым банкам або іншай крэдытна-фінансавай арганізацыяй, з натарыяльна заверанымі перакладамі на рускую або беларускую мову;

• прадстаўніком грамадзяніна Рэспублікі Беларусь або індывідуальнага прадпрымальніка – даверанасць.

Пры падачы дакументаў на ўдзел у таргах грамадзяне Рэспублікі Беларусь, замежныя грамадзяне, фізічныя асобы (грамадзяне Рэспублікі Беларусь і асобы без грамадзянства), якія пастаянна пражываюць за межамі Рэспублікі Беларусь, у тым ліку прадстаўнікі юрыдычных асоб Рэспублікі Беларусь, прадстаўнікі замежных інвестараў прад'яўляюць пашпарт або іншы дакумент, які засведчвае асобу.

Прыём заяў на ўдзел у таргах з усімі неабходнымі дакументамі завяршаецца ва ўстаноўленыя арганізатарам таргоў дзень і гадзіну, названыя ў паведамленні. Заявы, якія паступілі пасля ўстаноўленага тэрміну, не разглядаюцца. Тэрмінам паступлення заявы з'яўляецца дата яе рэгістрацыі ў журнале рэгістрацыі заяў на ўдзел у таргах.