Сертыфікат свабоднага продажу

Карысная інфармацыя

Пералік дакументаў, неабходных для атрымання сертыфіката свабоднага продажу:

• копія кантракта (дадатку, спецыфікацыі да кантракта) на пастаўку тавараў у замежную дзяржаву з указаннем пераліку тавараў, уключаючы найменне, тып, марку, мадэль, артыкул, каталожны нумар і іншыя звесткі, у тым ліку на замежнай мове, якія дазваляюць правесці адназначную ідэнтыфікацыю тавару;

• копіі дакументаў, неабходныя для абарачэння прадукцыі на тэрыторыі Рэспублікі Беларусь (залежаць ад відаў прадукцыі, напрыклад: дэкларацыі адпаведнасці, сертыфікаты адпаведнасці, пасведчанні аб дзяржаўнай рэгістрацыі, пасведчанні аб дзяржаўнай гігіенічнай рэгістрацыі і да т.п.);

• копія ліцэнзіі на вытворчасць прадукцыі. Толькі для прадукцыі, вытворчасць якой з’яўляецца відам дзейнасці, на ажыццяўленне якога на тэрыторыі Рэспублікі Беларусь патрэбна атрыманне ліцэнзіі;

• пісьмо вытворцы з пацвярджэннем таго, што адносна заяўленых тавараў заканадаўствам Рэспублікі Беларусь устаноўлены або не ўстаноўлены пэўныя патрабаванні аб наяўнасці/адсутнасці такіх дакументаў.

Па ўзгадненні з Унітарным прадпрыемствам «Мінскае аддзяленне БелГПП» заява і прыкладзеныя да яе дакументы могуць быць папярэдне накіраваны заяўнікам па электроннай пошце ў выглядзе скан-копій з далейшым прадстаўленнем ва Унітарнае прадпрыемства «Мінскае аддзяленне БелГПП» заявы і дакументаў на папяровым носьбіце.